Como é habitual nos traballos de Jason, a historia toma camiños inesperados ata alcanzar un final sorprendente que resolve varios problemas dunha plumada. Coñecida polo seu debuxo minimalista e o seu ritmo sobrio, a obra de Jason rezuma tenrura e poesía. Os seus animais antropomórficos, aos que o autor apenas permite mostrar o menor signo de emoción, conseguen transmitir, con todo, o seu agudo sentido do humor e a súa profunda empatía. É grazas á sutil e intelixente utilización destas ferramentas como Jason consegue conectar co lector e facer que os seus libros sexan non só brillantes exercicios de estilo, senón tamén dotalos dunha profundidade que poucos autores conseguen alcanzar.