Durante as catro roldas de caza, usaranse cartas de caza e de estrataxema e as habilidades especiais de cada personaxe para conseguir capturar aos unicornios que máis conveña a cada un.

Ao comezo de cada rolda róubanse ao azar 4 cartas de Unicornio e colócanse sobre a mesa. Ábrese a veda!

Cada persoa adxunta cartas de estrataxema aos unicornios, sen mostralas, para tentar impedir que o resto lle arrebaten os seus obxectivos. Comeza así unha loita sen cuartel na que todo vale. Como resultado diso, non se saberá ata que se resolva a caza se quen leve ao unicornio capturado, gañará ademais un  bonus ou ben unha penalización.

Calquera enerxía que quede aos personaxes tras tentar cazar aos catro unicornios da rolda poderá ser empregada en acudir ao mercado negro dos gnomos e regatear con eles para conseguir obxectos máxicos que lles permitirán mellorar a súa colección de unicornios e aumentar o seu valor.